Messe (Wirtschaft)

Dä Artikel isch über d Mäss as e Marketingveraastaltig. Für anderi Bedütige vom hoochdütsche Begriff «Messe» lueg doo.

E Mäss (in dr Schwiz teils au Salon) im wirtschaftligen Sinn isch e Marketing-Veraastaltig, wo zitlig begränzt isch und periodisch widerholt wird. Uf ere Mäss chönne Häärsteller und Verchöifer iiri Waare oder Dienstläistige vorstelle, si erklääre und verchaufe.

Für d Usteller wichdig isch es, Kontakt mit nöije Chunde z mache und dä mit alte Chunde z versterke, d Bekannthäit vo iire Brodukt z vergröössere und Informazioone uszdusche.

D Chunde chönne uf ere Mäss d Aagebot vo verschiidene Aabieter vergliiche und bechömme e Bild vo dr Situazioon uf em Määrt.

Für d Wirtschaft as Ganzem wird dank de Mässe d Transbaränz vom Määrt gröösser und d Umwäägrendite, wo bi de Aarbetsblätz, Umsätz und schliesslig au bi de Stüüre zum Usdruck chunnt, isch mäistens positiv.

Bischpiil: